नागभीड सेवा केंद्र चालक संघटनेचा पूरग्रस्त मराठवाड्यासाठी आर्थिक मदत उपक्रम
नागभीड: पूरग्रस्त मराठवाडा येथील बांधवांच्या मदतीसाठी नागभीड तालुक्यातील ‘आपले सरकार सेवा केंद्र चालक संघटना’ पुढे सरसावली आहे. सामाजिक बांधिलकी जपत या संघटनेतर्फे आज दिनांक ८ ऑक्टोबर २०२५ रोजी मुख्यमंत्री सहाय्यता निधी (पूरग्रस्त मराठवाडा) करीता आर्थिक मदत मा. तहसीलदार प्रताप वाघमारे यांच्या हस्ते सुपूर्द करण्यात आली.
या प्रसंगी संघटनेचे पदाधिकारी आणि सदस्य मोठ्या संख्येने उपस्थित होते. उपस्थितांमध्ये राजू सहारे, संदीप मसराम, पपील देशमुख, सुबोध गेडाम, दिनेश कोठेवार, भूषण चावरे, रवी खोब्रागडे यांचा विशेष सहभाग होता. तसेच नागभीड तालुक्यातील अनेक सेवा केंद्र चालकांनी उत्स्फूर्त सहभाग नोंदवून पूरग्रस्त बांधवांसाठी योगदान दिले.
संघटनेच्या प्रतिनिधींनी सांगितले
“पूरग्रस्त मराठवाड्यातील बांधवांवरील संकटात आपण एकजुटीने उभे राहणे ही आपली सामाजिक जबाबदारी आहे. प्रत्येक नागरिकाने शक्य तेवढी मदत करावी, हीच आमची अपेक्षा आहे.”
मा. तहसीलदार प्रताप वाघमारे यांनी या सामाजिक उपक्रमाचे कौतुक करत संघटनेचे आभार मानले आणि पूरग्रस्तांच्या पुनर्वसनासाठी ही मदत अत्यंत मोलाची ठरेल असे नमूद केले.
नागभीड तालुक्यातून उचललेले हे दानाचे पाऊल संपूर्ण विदर्भासाठी प्रेरणादायी ठरत असून सामाजिक एकतेचा आणि मानवतेचा सुंदर संदेश देणारे