मोहाळी – ज्ञान संवर्धन संस्था मोहाळी प्रणित इंदिरा गांधी विद्यालय टेकरीमध्ये आज 33 वा वर्धापन दिन सोहळा उत्साहात साजरा झाला. याप्रसंगी विद्यार्थ्यांसाठी विविध स्पर्धांचे आयोजन करण्यात आले. शालेय कार्यक्रमात चित्रकला, निबंध, वक्तृत्व व सामान्य ज्ञान या स्पर्धा घेण्यात आल्या. विजेत्यांचे नाव पुढीलप्रमाणे आहे: चित्रकला स्पर्धेत प्रथम – प्रतीक प्रफुल मडावी, द्वितीय – नैतिक वासुदेव गायकवाड; निबंध स्पर्धेत प्रथम – सानिया जीवन शेरकुरे, द्वितीय – शर्वरी प्रकाश मांडाळे; वक्तृत्व स्पर्धेत प्रथम – संजीवनी संजय गावतुरे, द्वितीय – प्रतीक प्रफुल मडावी; सामान्य ज्ञान स्पर्धेत प्रथम – इशांत ईश्वर अगळे, द्वितीय – मनीष दुर्योधन ठाकरे. विजेत्यांना सन्मानचिन्ह व पारितोषिक देऊन गौरवण्यात आले. बक्षीस वितरणानंतर शाळेच्या परिसरात पाहुण्यांच्या हस्ते वृक्षारोपण कार्यक्रम पार पडला.
सदर कार्यक्रमाचे अध्यक्षस्थानी संस्थेचे सचिव प्रेमकुमार हरणे, तर प्रमुख पाहुण्यांमध्ये शाळा व्यवस्थापन समितीचे अध्यक्ष वासुदेवजी गायकवाड, यशवंत सूर्यवंशी, उपसरपंच विजय नैताम, योगेश कुळसंगे, पोलीस पाटील निताताई नन्नावर, तसेच प्रतीक हरणे व देवा मंडळवार उपस्थित होते. कार्यक्रमाचे संचालन मांडवकर सर यांनी केले, प्रस्ताविक मुख्याध्यापक अगळे सर यांचे मार्गदर्शन लाभले, तर आभार मनिष मॅडम यांनी मानले.